ما هو العيب الأساسي فى أى رجل؟
نخش بقى عالموضوع
الواقع أننى أكاد أصنف هذا السؤال كأسهل سؤال فى العالم ، فأى ( أنثى ) فى العالم تستطيع أن تجيب على هذا السؤال مهما كان عمرها أو درجة تعليمها
بل أننى أكاد أجزم أنه لا داعى أساسا لطرح السؤال فيكفى أن ترهف السمع قليلا لأى محادثه بين إثنتين من الأناث لتحصل على آلاف الاجابات
كانت بنت جيراننا تحادث إبنتى – وهما فى السادسة – قائلة
...... بابا بيخلينا نتفرج على قناة إقرأ طول اليوم علشان مش بيحب قنوات الأغانى ، بس لما ماما تخش تنام وأنا أعمل نفسى نايمه على الكنبه بيجيب ميلودي ويوطي الصوت وكله شويه يقول ( أموت فى الكوارع المصبوبه جتك نيله ياللي فى بالي ) !!!
هنا نفهم سر ما تنشأ عليه المرأة من تأكد من عيب الرجل الأول وهو ( البصبصه لأى واحده غير مراته )
وهذا ما أكده لى حوار بين سيدتين – كان موقع طاولتهما بحديقة النادى قريبا مني – عندما سألت إحداهما الأخرى
....... إمال فين الشغاله ليه مش جايباها معاكي تأخذ بالها من حماده ونانى ؟ (يخرب بيت ناني على الكلب بتاعها طبعا انتوا مش فاهمين حاجه احسن هههههههههههه)
.......طردتها وكله بسبب الـواطي ( يبدو أنه الأسم الحركي للسيد المحترم زوجها )
....... ليه هبب إيه تاني ، دي البت حوله وسوده وتقرف الكلب
....... آه ده الكلب لكن هو لأ ، خلاني خرجت وقالها قومي يابت نضفي النجفه وطلعها على السلم وقال واقف تحته علشان يمسكهولها !!!!!
فكل النساء ينسجن مجالا رادارياً محكما حول أزواجهن لمراقبة حالات التلبس بالبصبصه .
هناك عيب أخر يطلق عليه لفيف من النساء بالإستعباط وقد تنبهت لهذا العيب عندما أتيح لى أن أسمع بالصدفه – وأنتهز الفرصة لشكر هيئة التليفونات التى تتيح لنا الإنصات لمكالمات الجيران من خلال هواتفنا – المكالمه بين سيدتين حيث كانت إحداهما تقول
..... أنا غلبت فيه مهما ألبس ومهما أعمل مفيش فايده راكن لي فى الجراج ومصهين
...... خلاص يبقى لمحيله بس بالمكشوف
...... لمحت يا أختى ، ساعتها يروح جايب على الأخبار بسرعه على الناس اللى بتموت فى العراق ويقول يا حبايبى يا اخواني فى العراق مين ليه نفس فى حاجه فى الدنيا وهو لسه شايف جـثث أخواته ويتفتح فى العياط لحد ماينام .
...... ينيله راجل
...... من يومين بوظت الدش ولبست وتشيكت قلت نقعد ندردش ونهزر زي اي زوجين وخرجت له هو شافنى وجري على الريموت ، مالقاش صورة إتفزع و إصفر قلت له ما فيش تلفزيون يلا خش الأوضه قدامى هو انا مش مراتك ومن حقي تدلعني وتسمعني كلمه حلوه
..... شاطره كده زنقتيه
...... قلبك أبيض الناقص جرى على الدولاب وفتحه وطلع ألبوم الصور وجاب صورة أمه الله يرحمها وإتفتح فى العياط برضه !!!
من أشد عيوب الرجال أيضا الكذب المصحوب بالنسيان وهؤلاء يتجاهلون نصيحة أحد أجدادنا الذى أطلق حكمة خالدة – قبل أن يتوفاه الله متأثرا بجراحه إثر كذبة مصحوبة بنسيان – حيث كانت أخر كلماته ( إذا كنت كذوبا فكن ذكورا )
لا حاجة لى بذكر الأمثلة فكل رجل يذكر الآن موقفا محرجا تعرض له بسبب كذبة كشف النسيان تفاصيلها ولكن حالة جارنا الأستاذ شحته مصيلحى حالة نادره
فقد إستمر الاستاذ شحته يكذب بنجاح لمدة عشر سنوات مقنعا زوجته بأنه يسافر إلى قريتهم كل جمعة لزيارة عمته سعديه والمصابة بمرض جلدي معدي جدا .
وقد حاولت زوجته أن يسمح لها بالأتصال بالعمه لكنه كان يرفض معتذرا بأن حالتها النفسيه سيئه ولا تطيق أن ترى أو تكلم أحدا سواه لأنه من ريحة المرحوم أخوها
كان الأستاذ شحته يعيش أجمل ايام الجمعة مع زوجته الثانيه أرملة جارهم فى البيت القديم
ولكن خانه الحذر فى النهاية عندما توجه بصحبة حرمه إلى فرح قريب لهم وبينما كان مستغرقا تماما فى دراسة تفاصيل حدود بدلة الراقصه الملتهبه فوجئ بمن تحجب عنه الرؤيه فلما صعد النظر إلى وجهها قفز ناسيا كذبته الشهيره وصاح
...... عمتى سعديه مش ممكن رجعتى من كندا إمتى هههههههه طلعت عايشه في كندا !
رحم الله شحته و أسكنه فسيح جناته
منقول
ياجماعة الرجالة لازم ياخدوا بالهم أكتر من كده ويامنوا علي نفسهم كويس
بصراحة الرجالة دول زي العسل ما يستهلوش دا كله
والراجل بيكدب علي مراته (محدش ينكر انه غلطان )هيعمل ايه من غلبه والله
والست بتبقي السبب في اللي بيعمله الراجل
هو لو لاقي واحده بتفهم وتعرف ازاي تخليه مش يبص بره ويكدب عليها
مكنش عمل كده
بيني وبينك يا اسلام يا اخويا الستات دول عاوزين الحرقه
اللي الواحد بشوفة من بنات اليومين دول يخلي الواحد يقول اكتر من كده
بس اكيد في بنات ومحترمة وستات بيوت شاطرة
وكمان في رجالة عنيهم فارغة وعلي راي المثل (زي القرع يمد ل بره)
السبت يوليو 07, 2007 2:01 pm
