نصيحه فاسده قول رأيك

المشرف عدد الرسائل : 337 تاريخ التسجيل : 24/04/2007

انا فاسد اذن موجود

وليا في كل حته وجود

قريب جدا من اللي فوق

نفوزي معدي كل حدود

عايز تكبر عايز توصل

وتتقرب من السلطه

وايدك تبقي مطلوقه

اقولك سر دي الخلطه

عشان السكه للأخر تكون خضره

لازم تبقي الفلوس حاضره

تدور ع اللي يسمحلك

تخطي تفوت وتدخل عالم الشهره

وطول ما اديك يا ذوق فرطه

هتبقي منور الخارطه

وده ياخدك وده يساعدك

وهتلالي نجوم سعدك

وتدخل حزبنا الغالي

صاحب اجمل مقام عالي

كبيره اتكلم .....اسمعلو

وهيصلو وسقّفلو

ومحتاج والا مش محتاج

لازم برضه تفوّتلو

عشان يصبح عليك مرضي

ساعتها تقوللي مين قدي

انا مفتح انا مدردح

مغارة امّنا لك وقتي تتفتح

وخد بالك دي بحر كبير

سنانيرك بقي اكسرها

خلاص يا كبير

خلاص الدورمهوش دورها

وخليك حوت واوي في يوم تكون سمكه

وهاتلك يجي ميت شبكه

وشيل عبي ولا يهمك

وسيبك م اللي هيذمك

صرفت كتير ولازم برضه ما تعوض

واعداءك لابد كمان ما تتروض

وسيبك م اللي يتكلم وسيبك من جرايدنا

مفاتيح البلد لسه اهي في ايدنا

ومهما يقولو متخافشي

دي ناس بتقول متعملشي

مدام صاحبك راضي عنك

متقلقشي

عدد الرسائل : 19 تاريخ التسجيل : 27/04/2007

عظم علي عظم يا رمي اية الحلاوة دية يرمي